كم سؤال عن دراسة النانو

[mohammed khaled]

السلام عليكم ورحمه الله وبركاته


كييفكم ان شاء الله بخير كلكم ,,, انا جديد وان شاء الله تتقبلوني بينكم

اممم الحمدلله ان مخلص دراسه وان شاء الله طالع امريكا قريب باخذ لغه وبعدها ان شاء الله بدخل

علم النانو المهم يا جماعه انا دخلت وقريت وشي حلووو وعلم جديد وله مستقبل ان شاء الله كويس

المهم عندي كم استفسار بس امانه يا جماعه مابي نسخ ولصق ابي واحد فااهم دارس يختصر الكلام بكلمتين لو سمحتو يا جمااعه اللي فاهم يساعدني على كم سؤال

1 / اممم باختصار تغريف علم النانو
2 / كم قسم ينقسم ؟
3 / اممم هل دراسته صعبه جدا لان في واحد مرره خوفني ههههه ادري مافي شي ساهل لازم الاجتهاد بس صعب مع شي حلوو ممكن يهون شوي هههههه عسى فهمتو كلامي
4 / تقريبا وش احسن الدول في دراست علم النانو ؟؟
5 / امرريكا وين احسن الجامعات فيها اي ولايه ؟
6 / تقريبا كم سنه للدراسته ؟

وسااامحوني طولت عليكم واسسف جدا واتمنى اللي عنده اشياء زايده يعطيني ولو نصاايح واماانه ياشباب نسسخ ولصق مايحتاج لاني قريت كلام كثير بس ابي معلومات منك واكيد بتوصلني اسرع وبكون فاهم اكثرر

اتمنى منكم الرد وشكرررااا :(88):

[نهى.نانو]

وعليكم السلام ورحمة الله وبركاته
أهلاً بك في منتدى تقنية النانو.. معليش سامحنا على التأخير في الرد..

1/ علم النانو حسب فهمي المبتدئ هو دراسة تركيب وخصائص المواد وهي بمقياس النانومتر، وتعريف تقنية النانو: تصميم وتصنيع مواد وأجهزة بمقياس النانومتر

2/ ممكن ينقسم حسب مجالات تطبيقاته ( طبي وصناعي وزراعي ... ) وممكن ينقسم حسب الأساس العلمي إللي يعتمد عليه (يعني دراسته من أساس فيزيائي ولا كيميائي ولا هندسي...) .. الجامعات تختلف في طريقة تصنيف علم النانو وتقنية النانو حسب اهتمامات واهداف الجامعة.. يعني باختصار ما أعرف إذا فيه تقسيم موحد له!
مثلاً أنا الآن بأدرس ماجستير اسمه علم المواد وهندستها في جامعة الملك عبدالله للعلوم والتقنية.. ومواد النانو داخلة تحت هذا التخصص.. والجامعة مهتمة جداً بعلم وتقنية النانو حيث جهزت معامل كبيرة ومتطورة لها.. لكن لا يوجد في الجامعة تخصص مستقل اسمه نانو لأنه كل من تخصصات الفيزياء والكيمياء والأحياء يمكنهم التخصص في دراسته تقنية النانو من جهة تفيدهم..

للأسف ما عندي معلومات عن الأسئلة الباقية.. أتمنى تلاقي من درس ويفيدك من تجربته..
ومرة ثانية سامحنا على التأخير غير المتعمد..