هكذا قيست سرعة الضوء

[elmasry2]

السلام عليكم ورحمه الله وبركاته
اليوم اخر ايام عيد الفطر المبارك اعاده الله علينا وعليكم بالخير
امين
وحبيت اجيب لكم هديه حلوه من اللى بتحبوها
علم
.
.
النهارده باذن الله هنتكلم ازاي العلماء قاسوا سرعه الضوء

و اذا راى القائمون على الامر في الموضوع خير فنرجو
ان يتم تثبيته لتعم الفائده وتبقى باذن الله

نبدأ
اولا اثبت احد العلماء العرب ابن الهيثم او البيرونى ان للضوء سرعه
لا اعرف كيف تم هذه
ولكن
لنستعرض الطرق
الطريقه (0)
تجربه جاليليو (فشلت)
1- احد الرجال يحمل مصباح اعلى جبل بعيد عن رجل اخر يحمل مصباح فى مكان بعيد والمصباحان مغطيان والاول يحمل وسيله لقياس الزمن

يعنى رجلين كل واحد على جبل ومعاهم لمبتين وواحد معاه حاجه زى ساعه في زمنهم
2- يقوم الرجل الاول بفتح غطاء المصباح(المصباح كان مغطى) ويبدا بحساب الزمن
3- يرى الثانى الضوء فيفتح غطاء مصباحه فلما يراه الاول يوقف حساب الزمن
وبهذا يكون عندهم المسافه (2*المسافه بين الجبلين) و الزمن

طبعا واضح ليه فشلت التجربه
لانه في الوقت الذي يفكر فيه الرجل وتصل المعلومات ليده من المخ
يكون الضوء قطع المسافه دى مرات عديده
فشلت واستنتجوا شئ واحد وهو (الضوء سريع قوى)
ولو عايز تعرف اكتر ليه فشلت جرب تحسب زمن وصول الضوء بساعه مائيه ولا رمليه ولا ايا كانت الطريقه ايام جاليليو

وبعد زمن
جاء رومر

الطريقه (1)
طريقه رومر (نجحت نسبيا )
رومر كان عالم فلك
وطبعا كما تعلون ان المسافات الفلكيه كبيره جدا يمكن معها قياس الزمن

رومر ده بقا عمل ايه
هو لاحظ ظاهره غريبه جدا
وهو خسوف احد اقمار المشتري ..المشترى له اقمار بالهبل ومعرفش بالظبط كام ولكن بعض اقماره يصل الزمن بين الخسوف والاخر الى 11 او 16 ساعه مش فاكر الرقم بالظبط ولكن المشتري له اقمار كتير وابعادهم
عنه مختلفه
وعشان كده رومر درس احد الاقمار وكان بيحصل له خسوف بشكل يمكن رصده دوريا
يعنى بيحصل خسوف كتير
رومر تابع واحد منهم
ووجد الظاهره الغريبه
طبعا تعرفون ان الوقت بين الخسوف والاخر في منطقه معينه يكون تقريبا
ثابت
ولكن



رومر وجد ان الزمن ليس ثابت
فحين تكون الارض فى مدارها في حاله اقتراب من المشتري
يكون الزمن اقل
ولما تكون الارض في مدارها تتباعد عن المشتري يزيد الزمن


طبعا واضحه
لان الضوء ياخذ وقت للوصول للوصول الى الارض
ولما تكون الارض مقتربه من الحدث يسهل هذا الامر على الضوء حيث اقترب من الحدث فيقل الزمن وعندما ابتعد الضوء يجري ورائي
فيزيد الزمن

والان للحسابات
رومر درس اقرب الاقمار للمشتري
وقام بجمع الازمنه والارقام اللازمه للحساب
وبعدها قام بالحسابات (هايجنز) صاحب النظريه الموجيه
كما نري في الصوره


http://www12.0zz0.com/2010/09/12/19/756550011.jpg



رومر قام بحساباته الزمنيه في الثلاث مواضع الموضحه
مع ملاحظه انه اعتبر ان المدار دائري وهو قطع ناقص
ولكن للتبسيط
كما نري الارض لها الرمز E
وللمشتري الرمز J

والشمس SUN


الوضع الاول الارض في الوضع E1 والمشترى في الوضع J1
J1E1 هو المسافه بين الارض والمشتري (تقريبا المسافه التى يحدث عندها الحدث وتذكر ان الرجل يتعامل بقدر امكانياته للقياس)
وسرعه الضوء C


E1J1/C زمن وصول الضوء بعد حدوث الخسوف

(الفرق بين الحدث ورصده)
T0 لحظه حدوث الخسوف الفعلى (لحظه اى نقطه على المحور الزمني)
T1 لحظه وصول الضوء للارض (لحظه ايضا)
ولذا المعادله الاولى التى نكونها

T1=T0+E1J1/C
ودى معادله واضحه

ركز بقا في الباقي
في الوضع التانى (انظر للصوره قبل ان تقرا من فضلك)

الارض في الموضع E2

المشتري J2


يكون القمر قد دار N دوره

وبالتالى يكون حدث N خسوف الزمن بين كل خسوفt


E2J2/C زمن رصد الخسوف (بين الحدوث والرصد) للمره الثانيه


لاحظ ان الزمن بين الخسوف الاول والN هو
N-1 مضروبه في t
لان عدد الفترات بين N خسوف

هو N-1
T2 هو لحظه رصد الخسوف N على الارض

لنكون المعادله اذا
T2=T0+(N-1)t+E2J2/C
ودى برضه واضحه لحظه الرصد تبعد عن لحظه الخسوف الاول بفتره زمنيه هى الفتره بين الخسوف الاول و ال N + الفتره التى تصل فيها المعلومات
نطرح المعادلتين

نسمى الزمن الناتج من الطرح T

لاحظ ان هذا الزمن هو الزمن بين رصد الخسوف الاول ورصد الخسوف N
همممممممممم
يعنى هذا الزمن يمكن قياسه وهو زمن كبير (مش زى ناس(جاليليو يعنى))

T=T2-T1=(N-1)t+(E2J2-E1J1)/C
وبكده نكون ضربنا عصفورين بحجر

حصلنا على زمن يمكن رصده و ايضا خرجت اللحظه T0 من المعادله وهي لا نستطيع رصدها
ولاحظ ايضا من الرسم (بص كده على الرسمه)
ان E2J2-E1J1 هو قطر مدار الارض حول الشمس
هنسميه D
وهو يمكن معرفته (معرفش عرفوه ازاى هبقى ادور واقول لكم)
الان معانا المعادله
T=(N-1)t+D/C


طب ممكن حد يقول لى ازاى رومر هيحسب عدد الخسوفات بين اللحظتين(الرصد)N
طبعا عشان يطيرهم من المعادله (بدل ميقعد يعد للقمر خطواته)


عمل ايه
قام رصد للمره التالته
في الموقع E3
ولكن E3 قد تم اختياره ليكون الزمن بين E1 وE2
يساوى الزمن بين E2 و E3
اهااااااااااااااااا
تقصد يعنى الزمن اللازم لحدوث N خسوف

هممممممم اه بالظبط كده

وبكده نقدر نشيل N و t من المعادلات خالص خالص
ويبقى فقط ازمنه يمكن رصدها

طب حلو اوى (على فكره انتو شايفين انى بتكلم كتير صح.. انا بس بعمل ود كده وبحلى المعلومه بدل مديها خبط لزق كده )
المهم نكون المعادله التالته
لحظه الرصد الثالث
يكون قد حدث N خسوف

وبالتالي الزمن من الوضع E2 الى E3
هو N-1 مضروب في t
وبكده

واخيرا منها نحسب

بعد ما نشيل الطرف اللى مش عايزينه

C


اخيرا
ان شاء الله هكمل الموضوع بالطرق الاخري وننهى بطريقه وجدتها على النت عن اعجاز قرانى في هذا المجال

لو وجدت تفاعل



هضع لكم هديه جامده

صوره الورقه اللى كان بيتحسب عليها الكلام ده في الحقيقه

بخط الايد طازه من سنه 1707
تقريبا

[elmasry2]

يا جماعه انا هعدل على المشاركه اصحح حاجات وازود معلومات
بس انا هقفل دلوقت
وهكمل مع فيزو ومعلومات اكتر ومختلفه عن رومر وهحاول اجيب كتابه
وكتب تحكى الموضوع بتاعه

[بلتاجي]

ممتاز ياباشا وكل سنة وانت طيب

[elmasry2]

ان شاء الله المشاركه القادمه نكمل بس محدش يعرف موقع رفع صور سريع؟؟

[elmasry2]

على فكره القمر كان اسمه ايو

[elmasry2]

رومر في الواقع كان يريد ان يفعل ما اراده جاليليو (لا اقصد سرعه الضوء) ولكن اعتبار دوران الاقمار كما لو كان ساعه في السماء يمكن بها قياس الزمن
ولكن سرعه الضوء ظهرت
اظن واضح ازاى ظهرت ...

[elmasry2]

زمن دوره ايو (القمر) io كان 1.769 يوم
شوف قصير ازاى عشان كده ساعد على الدراسه
طبعا الرقم ده بحسابات دلوقتى اللى اخدنا في اعتبارنا فيها سرعه الضوء
ولكن بالنسبه لزمنهم كان لازم اكترمن معادله
طب نشوف حل اخر للعمليه دى

[elmasry2]

هذه صوره اخري للحسابات
http://www.amnh.org/education/resources/rfl/web/essaybooks/cosmic/images/roemer_002.gif
نلاحظ ان الفرق بين القياسين (حوالى قطر المدار الارضى ) وبكده وبقياس فرق الازمنه وقطر المدار الارضي حسبوها مش بدقه جامده اوى بس مقبوله

[elmasry2]

c = 3.028* 108 هذا بقياس رومر
شوف كان دقيق شويه ازاي

[سمية أحمد]

موضوع أكثر من رائع
جزاك الله خيراً
الموضوع بجد جامد ...ما شاء الله
بس لي استفسار
عمل ايه
قام رصد للمره التالته
في الموقع E3
ولكن E3 قد تم اختياره ليكون الزمن بين E1 وE2
يساوى الزمن بين E2 و E3
اهااااااااااااااااا
تقصد يعنى الزمن اللازم لحدوث N خسوف

هممممممم اه بالظبط كده

وبكده نقدر نشيل N و t من المعادلات خالص خالص
ويبقى فقط ازمنه يمكن رصدها

طب حلو اوى (على فكره انتو شايفين انى بتكلم كتير صح.. انا بس بعمل ود كده وبحلى المعلومه بدل مديها خبط لزق كده )
المهم نكون المعادله التالته
لحظه الرصد الثالث
يكون قد حدث N خسوف

بصراحة الجزئية ديه أنا مش فاهمها أوى
فيها شوية غموض
مثلاً هو ازاي خلى الزمن بينE1وE2 يساوى الزمن بين E2وE3؟؟؟
ده معناه ان هو كان عارف الزمن بين E1وE2
ولو هو فعلاً عارفه ليه ما استخدمهوش على طول؟؟؟
بمعنى إن الزمن بين E1وE2هو نفسهt(N-1
أتمنى تكون فهمت قصدى؟؟؟
وأتمنى ألاقى إجابة...
وأشكرك بشدة على الموضوع المفيد

[elmasry2]

اوكى
صح
انا هعدل
بس المشكله انه تاريخي اكتر من علمي

[elmasry2]

كما قلت لك يا اخى
المشكله في الامر انه تاريخي اكتر من علمي
وعشان كده احنا بنشوف الطرق اللى ذكر انها استخدمت اما اللى حصل فمكناش موجودين ساعتها
ههههههههههههههههههه
وبالمناسبه هناك طريقه اخري مذكوره اظنها اكثر اقناعا
وهى بهذا الشكل
(على فكره قبل ما ابدا انا معايا كتاب لرومر كتب فيه انجازه ده وتعليق المقدم -اللى قدم الكتاب- عليه... بس للاسف الكتاب شبه الخريطه ومش عارف افهم منه حاجه ......لانه شبه الكتب القديمه اننتو فاهمين لغه صعبه وكلام فلسفي)
المهم
الطريقه التانيه

http://www.enchantedlearning.com/rgifs/Romerjupiter.GIF

المره دى بدون التالتهE3 اللى مضايقاك يا S777777


فعلا هى مش مقنعه لكنها مذكوره
والطريقه هى هى ولكن بدون المره التالته

وانتظروا فيزو

وفوكالت

ومايكلسون

[elmasry2]

http://www.amnh.org/education/resources/rfl/web/essaybooks/cosmic/images/roemer_002.gif

http://e-ducation.net/scientists/newtonscope_drawing.gifhttp://e-ducation.net/scientists/newtonscope_drawing.gif
الاخيره للجهاز اللى صنعه رومر بنفسه

[سمية أحمد]

نتتظر باقى الموضوع بفارغ الصبر

[elmasry2]

السلام عليكم ورحمة الله وبركاته
النهارده ان شاء الله هنكمل كلامنا
واسف علي التاخير لانى والله كانت عنيا بتوجعنى من البص على الشاشه
هههههههههه
المهم
انا لما شفت تعليق الاخs7777777
الاخير ده
بصراحه قلت اكمل النهارده
واليوم (فيزو)
3-طريقة فيزو (نجحت)
كيف قام فيزو بقياس سرعه الضوء
؟؟
وعلى فكره قبل ما ابدا
الطريقه دى بتستخدم برضه لقياس سرعه الجسيمات (يعنى بدل الضوء الجسيمات)
وعلى فكره الطريقه اللى عملوا بيها الجهاز اللى اثبت صحه توزيع ماكسويل للسرعات (توزيع سرعات جزيئات الغازات عند حراره معينه)
كان معمول بطريقه مشابهه
(كنت مره كلمت دكتوره عندنا في الموضوع ده
قالت لى انهم برضه كانوا بيستخدموا طرق مشابهه لقياس سمك الشرائح الدقيقه جدا ...والله معرف ازاى
الطريقه مالهاش علاقه بالشرائح هدور واجيب لكم معلومات ان عرفت في الموضوع ده ولو حد يعرف حاجه يفيدنا



المهم

نبتدى
فيزو ده بقا عمل ايه
انا هوريكم هنا صوره تقريبيه للجهاز اللى استخدمه
وبعد لما توضح الفكره نوريكم الشكل الاقرب للجهاز الحقيقي

المساله بسيطه جدا
http://www.speedace.info/speedace_images/speed_of_light_fizeau.png
شوف كده دى
لو الضوء خرج من المصباح واصطدم بالمراه النصف منفذه (نصف مفضضه ) مكتوب في الصوره انها قطعه زجاجيه عاكسة لكنها اصلا مراه جزئيه (نصف منفذه)

لما الضوء يسقط عليها للمره الاولى من المصباح ينعكس في اتجاه المراه الاخرى

ولكنه يمر بين اسنان الترس الذي يدور بسرعه ويذهب الى المراه فينعكس في نفس اتجاهه فيمر بين اسنان الترس للمره الثانيه

طب المهم قبل كل شئ
انكم تفهموا دى كويس
اقرا اللى كتبته عن مسار الضوء تانى


من المراه النصف منفذه الى المراه العاكسه (مرورا باسنان الترس الذي يدور) ثم ينعكس على نفسه ويعود للترس ويمر بين اسنانه (وهو بيدور)
ثم ينعكس جزء منه (بالمراه النصف منفذه) والجزء الاخر يمر عبر المراه

طبعا في المره الاولى لما سقط على المراه النصف منفذه نفذ جزء منه لكن الناظر (العين في الصوره) لم يراه لانه كان عموديا على الخط الذي يراه الناظر (انظر للصوره)

المهم
لما نزيد سرعه الدوران للترس
يوجد سرعه للدوران لا يرى عندها الناظر شيئا
لماذا
لان الضوء في تلك السرعه يمر عبر اسنان الترس للمره الاولى (رحله الذهاب)
وبعد الانعكاس على المراه العاكسه
يعود فيصطدم باحد اسنان الترس فلا نري الضوء
اهااااا
ده معناه ان السرعات اللى هيحصل عندها عدم الرؤيه
كتيره مش سرعه واحده
لانه ممكن يذهب الضوء
فيعود فيصطدم بالسن التالي مباشره (التالى للمنطقه التى مر منها)

او يصطدم بالسن بعد التالي وهكذا
وكل سرعه لا نري عندها الضوء يعنى انه مر ثم اصطدم باحد الاسنان (السن حسب السرعه)


طب يلا بسرعه للحسابات

الموضوع بسيط اوى
احنا هنختار اول سرعه لا نرى عندها شئ
ولهذا يكون اول احتمال
الضوء مر ثم عاد فاصطدم بالسن التالي مباشره (التالي مباشره لاننا هنثبت اول سرعه )
وطبعا الضوء اللى بعد كده برضه نفس الكلام يمر ولما ييجي يرجع يكون الترس لف بحيث لا يعود

الجمله باللون المختلف هي كل الموضوع اللى بلف وبدور حواليه
طب الحسابات بقا عشان زهقتو (صح؟؟)

الزمن اللى بيروح الضوء ويرجع فيه يكون الترس لف بحيث ييجي السن مكان الفراغ

طب الزمن ده بيساوى ايه ؟؟
نفرضه t
والمسافه من الترس للمراه العاكسه d
وباقى المسافات مهمله بالنسبه لسرعه الضوء ما عدا d

كده يكون الزمن ده
t=2d/c
طبعا احنا عارفين ليه 2d
عشان راح وجه

طب والزمن ده بيساوى ايه كمان
صح
زمن دوران الترس عشان ييجي السن مكان الفراغ
الذي يسبقه مباشرة (لاننا نتحدث عن اول سرعه لا نري الضوء عندها)

نفرض ان الترس في اللحظه دى كان بيدور بسرعه n
مقاسه بوحده دوره/ثانيه
وان عدد الاسنان للترس m
طب يبقى الترس كده متقسم كام قطاع
2m
تمام
لان الترس متقسم m سن و m فراغ بين التروس
طب زمن الانتقال من الفراغ للترس t يساوى ايه ؟؟


الاول الترس دار 1/(2m) دوره
صح ؟؟
يبقى الزمن
t=1/(2mn

صح
لان n=عدد الدورات/الزمن
يكون الزمن =عدد الدورات /السرعه (بوحده دوره/ث)

حلو اوى
كده
2d/c=1/(2mn

كده
c=4mnd
اااااااااه
بس كده
خلصت ههههههه
وعلى فكره الارقام الحقيقيه ايام فيزو اهى
n=12.6 r/s
m=720
d=8633 m
شوف ....مسافه كبيره
الراجل فضا الشارع من بيتهم لموقف الميكروباص عشان التجربه دى

c=4mnd
c=3.13*10^8 m/s
والصور الاقرب للى حصل اهى
http://media-2.web.britannica.com/eb-media/14/2114-004-1FD624CE.jpg


http://longstreet.typepad.com/.a/6a00d83542d51e69e20133f1d5c6b2970b-800wi

[elmasry2]

http://en.wikipedia.org/wiki/File:Fizeau.JPGhttp://en.wikipedia.org/wiki/File:Fizeau.JPGhttp://www.daviddarling.info/images/speed_of_light_Romer.jpg
ده رومر

http://www.daviddarling.info/images/speed_of_light_Fizeau.jpg
وده فيزو
ومتلبخكوش العدسات والمرايا المقعره عادى نفس الكلام



وده بقا فوكالت عشان اشوقكم وجاى في السكه باذن الله
http://www.pas.rochester.edu/%7Epavone/particle-www/teachers/demonstrations/FoucaultDemonstration_files/image002.jpg
http://www.pas.rochester.edu/%7Epavone/particle-www/teachers/demonstrations/FoucaultDemonstration_files/image003.gif

http://www.daviddarling.info/images/speed_of_light_Foucault.jpg

[سمية أحمد]

موضوع رائع جداً...
وطريقتك فى عرض الموضوع أكثر من رائعة...
متهيئلى لو كنت قرءت الموضوع بطريقة تانية مكنتش فهمته...
شكراً...
ويارب فوكالت يجى بسرعة وميكنش الطريق زحمة
وتقبل مرورى

[elmasry2]

السلام عليكم ورحمه الله وبركاته

اولا وقبل كل شئ احب اشكر الاخ s7777777
وبعد عناء قدرت اعد عدد السبعات اللى في الاسم ههههه
الصراحه انت اللى رافع معنوياتى وان شاء الله نستفيد كلنا

واتقبل مرورك ويسعدنى جدا جدا جدا


النهارده انا هعمل تقديم لطريقه فوكالت لقياس سرعه الضوء


اسمها طريقه المراه الدواره
وطبعا انتو شفتو ان طريقه فيزو كانت محتاجه مكان كبير


زى ما قلت فضا الشارع كله

(اقول لكم حاجه تضحك......
مره كانت فيه دكتوره بتشرح لنا الكلام ده في كليه الهندسه
وكان معانا طالب كده ظريف كان على طول بيسال السؤال المهم جدا والمحوري
.
.
.
.
.
.
ايه اللى يضمن لفيزو انه ميجيش عيل غلس ويقف في مسار الضوء ؟؟

ماهي 8633 متر
اكيد فضا الشارع

ممكن برضه
المهم بعد الهزار واللذي منه نتكلم شويه عن فوكالت ونمهد لها

افهم دى كويس .ها


لنفترض ان عندنا مصدر ضوء ...
ومراه
ومراه تانيه
واسقطنا شعاع ضوئي من المصدر الى المراه الاولى
بحيث ينعكس الى المراه الثانيه ويسقط عليها عموديا

هيحصل ايه ؟؟
..
اكيد طبعا لما يسقط على المراه التانيه عمودى يرتد على نفسه صح؟؟

..
واكيد لما يرتد على المراه الاولى تانى ينعكس على نفسه ويعود للمصدر
مفهومه دى ؟؟؟
راجع كده الصوره الاخيره اللى بتتحرك في اخر مشاركه لى قبل دى ....
طبعا كل ده لو المراه الاولى مثبته في مكانها

طب بص كده على الصوره دى (بص دلوقت على الجزء الايسر منها واليمين بعدين )



http://upload.wikimedia.org/wikipedia/commons/e/ec/Foucault_apparatus.JPG

هي الصوره كبيره شويه
لو النت بطئ اصبر شويه

المهم
الضوء يرجع تانى للمصدر الضوئي

طبعا الضوء في رحلته دى بياخد زمن
صح ؟؟
ابوس ايدك اقرا اللى فوق تانى لو كنت قريته بسرعه او استهيفته (هو سهل بس النت بيعود على القراءه الصاروخيه )


المهم
طب الجزء اليمين من الصوره بقا
...... تذكر ان الضوء ياخد زمن عشان يرتد على نفسه
من طول المسافه (هى اقل من فيزو بس كبيره برضو)

المهم
لما الضوء يرتد ويعود للسقوط على المراه الاولى
فيجد انها دارت بزاويه ثيتا
اكيد الضوء مش هيرتد على نفسه
هيرتد الى مكان اخر قريب من المصدر
وبما ان المكان الجديد (المسار الجديد) يعتمد على الزاويه
وان الزاويه تعتمد على الزمن (نقوم باداره المراه بمحرك مثلا بسرعه ثابته )
وان الزمن يعتمد على المسافه المعروفه وسرعه الضوء

من كل هذا يمكن حساب سرعه الضوء
وهكمل بعدين
ان شاء الله
وهجيب لكم صور اقرب للى عمله فيزو
الصوره اللى جبتها توضيح للفكره بس مش الجهاز المستخدم بالظبط


المشاركه الجايه نجيب الاصليه (الصوره الاقرب لما حدث)
ونتكلم عن المعادلات شويه
ولكن لاحظ ان ما حدث مختلف ولن يكون له علاقه بالزمن في الحسابات (هنطيره)
ان شاء الله المره الجايه نعرف ايه اللى حصل بالظبط


افهم بس الجزئيه دى دلوقت عشان التقيل جاى
(اللي جاي مش سهل زى ما دى سهله كده )
افهم دى كويس اوى
والسلام عليكم ورحمه الله وبركاته

(ملحوظه :يمكن لاى عضو ان ينقل الموضوع دون اى حقوق لى عليه )
انقل ومش هاجى في المنتدى التانى واقول ده بتاعى واغلس
وارجو نشره فى المنتديات الاخري لتعم الفائده
وفى الاخر يمكن نعمله pdf
وعلى فكره
انا والله مكنتش هكتب حاجه النهارده لولا طلب الاخ
s7777777
سبع سبعات على فكره
لان والله مروره عزيز عليا اوى
عشان كده قلت اكتب شويه في فوكالت

[سمية أحمد]

واضح إن أنا اللى تأخرت المرة دى
بس والله كنت مشغول امبارح ومدخلتش المنتدى
موضوعك رائع كالعادة
وننتظر المعادلات لأنها الجزء الأكثر تشويقاً
وإلى الأمام دائماً
وجزاك الله خيراً

[elmasry2]

السلام عليكم ورحمة الله وبركاته
النهارده هكمل باذن الله موضوع فوكالت
طبعا انا عملت توضيح للموضوع المره اللى فاتت
(لو مش فاكره كويس اوى اوى ...
اقراه تانى وخد وقتك اوى )
لان اللى جاى مش بالسهوله دى لوجود بعض الاضافات في الجهاز المستخدم (الطريقه )

طب نشوف الصوره التخطيطيه ونركز اوى واحنا بنقراها
المره اللى فاتت احنا اتكلمنا عن المرايتين
وكانوا بشكل معين
لكن اللي حصل مش زى كده بالظبط
لاننا هنعمل حاجتين مميزتين
(بعد التقدم في القراءه هتعرف ليه عملنا التغييرات دى في الادوات المستخدمه )
http://www.daviddarling.info/images/speed_of_light_Foucault.jpg
ادى صوره للى هنشرحه دلوقت
اينعم هو مختلف شويه
لكن المره اللى فاتت انا خليتها لشرح الفكره المبسطه
(لانى عايز الموضوع يكون سهل وبسيط والكل يفهمه
فمرضتش اشرحه كله في مشاركه واحده ...)
..
..
.
ودلوقت نشوف الاختلافات عن اللى فهمناه المره اللى فاتت
اولا
الضوء يمر عبر مراه شبه منفذه (اللى مكتوب عليها glass plate )
وطبعا فهمنا ازاى بتشتغل (((ينعكس جزء ويمر جزء
ولما نكون محتاجين المنعكس نضع تلسكوبات الرصد (اللى بنشوف بيها الضوء المرتد وكده ) ولما نكون محتاجين اللى يمر نضع في طريقه اللى عايزينه عشانه اما اللي مش عايزينه نسيبه يروح في الحته اللى مفيهاش رصد او تاثير
))))
وزاد كمان على الكلام اللى في المشاركه اللى فاتت
العدسه
وسبب وضعها ان فوكالت مكانش عنده ليزر عشان الضوء يسافر مسافات ومتقلش شدته اوى
(وفيزو كمان استخدم العدسات )
فعشان كده بنجمع الضوء بيها
وفي الوقت الحالى بنستخدم الليزر

والموتور اللى بيحرك المراه اللى بتدور مش جديد عليكم

اما الجديد بقا هو ان المراه اللى المفروض الضوء يسقط عليها عمودى خليناها مقعره
ليييييييييييييييييييه؟؟؟
عشان لما المراه تدور يفضل الضوء المنعكس عمودى عليها

طب هو الضوء الساقط ده عمودى؟
http://www.daviddarling.info/images/speed_of_light_Foucault.jpg
الحكايه مش عمودى بالظبط
لا
انا جبت الصوره جمبك اهه بص عليها
الضوء مرسوم شعاعين (فاهمين ليه طبعا )
اللى فوق لما يسقط على المراه الدواره (اللى مثبتينها لحد ما نفهم )
يرتد على مسار اللى تحت واللى تحت يرتد على مسار اللى فوق
وبكده الضوء يرجع على نفسه بس مقلوب
واضحه دي؟؟

ابوس ايدك كمان مره
اقرا اللى فوق تانى
ودعبس في الشكل
ومتقراش الا لما تحفظ الشكل كله
وركز فين المصدر والضوء ماشي ازاى وانعكاسه وعودته
ورصده بالتلسكوب
وركز في رحله الذهاب على الخط المتصل
وبعد دوران المراه هيكون المسار المرتد هو الخط المتقطع

طب نتكلم عن مسار الضوء بدون دوران الاول (المتصل)
(لانى ملاحظ ان صعب اشرح الموضوع ببساطه فبدرجه )

الضوء خارج من المصدر المشعلل ده(من اليمين)
يمر بالمراه النصف منفذه
جزء ينعكس (مش راسمينه ومساره بعيد عن اجهزتنا)
وجزء يمر وده المرسوم بالخط المتصل

(كل اما اقول حاجه اطلع فوق وبص عليه في الشكل)
وتوفيرا عليك اهه
http://www.daviddarling.info/images/speed_of_light_Foucault.jpg
اي خدمه عشان متطلعش كتير فوق
الضوء يتشتت طبقا لقانون التربيع العكسي
ولتجميعه (العدسه المجمعه)
يمر بالعدسه
ويروح على المراه الدواره (اعتبرها ثابته دلوقت..هقولها كتير ؟؟؟؟)
ولما يسقط عليها
ينعكس الى المراه المقعره
ومن المراه المقعره يرتد مقلوب (مش قضيتنا اصلا مقلوب ولا معدول المهم نقيس سرعته )
المهم ...
يرتد على نفسه
ويعود الى المراه الدواره
ويسقط على العدسه (كل ده في نفس المسار بس مقلوب)

يسقط على المراه النصف منفذه
المره دى محتاجين نرصد الجزء الجزء المنعكس
هنحط تلسكوب مجمع للضوء عشان نبص على الضوء المنعكس
المهم في الموضوع ده حاجه واحده

اين يسقط (اين نضع التلسكوب يعنى )
لان لما المراه تدور الموقع اللى هنحط فيه التلسكوب هيختلف
(هيعتمد على سرعه الضوء ...اهاااااا)

انا ممكن اضع المعادلات ونعيش اللحظه دلوقت لكن
الموضوع مش هيتفهم صح كده
لان المساله هتحتاج فهم لهندسه الشكل
كمان ده مش سهل زي شرح المشاركه التمهيديه
(للى مش مركز..او للى مش عارف مثلا ليه الضوء يرتد على نفسه مقلوب في المراه المقعره )

واحب انوه لحاجات كده (اختلافات عن المشاركه السابقه )

اولا :.المراه الثابته مقعره (اكيد فهمتو ان المستويه مش هتنفع لما المراه المتحركه تدور لان الضوء مش هينعكس على نفسه بعد الحركه ومش هينعكس على نفسه الا في زاويه محدده لو المراه مستويه)


ثانيا:.لن نستخدم معادلات زمنيه في الاستنتاج لكن كل شئ يكون مرتبط بالاطوال (مثل المسافه بين التلسكوب في حاله الرصد بدون حركه المراه وبعد ما تتحرك بزاويه ثيتا

ثالثا:. لن نعرف ثيتا لاننا لا نعرف سرعه الضوء وبالتالى الزمن وبالتالي لا نعرف الزاويه
ولذلك نعوض عنها في المعادلات بالاطوال اللى هنقيسها بعد عوده الضوء


رابعا :. لاحظ انه لما يتغير ميل المراه (ممثله بخط )
بزاويه ثيتا (دارت يعنى) يتغير مسار العوده بزاويه
2*ثيتا
http://upload.wikimedia.org/wikipedia/commons/e/ec/Foucault_apparatus.JPG

ودى تشوفها في الصوره في المشاركه اللى فاتت
ولو حد معرفش ليه يقول دلوقت
انا هكمل المره الجايه
لانى متوقع اسئله
اسالوها واجاوبكم ولما تفهموا
المشاركه دى كويس
نكمل الباقي
لان مينفعش تحول واقع مش فاهمه لمعادلات

اتمنى انى ما اجدش اسئله وكله يكون واضح

ولو كده انا هكمل بكره في نفس المعاد

[سمية أحمد]

مش عارف ليه الصور مش ظاهرة عندى

[elmasry2]

اصبر شويه لحد ما الصور تحمل لو النت بطئ
وده رابط الصوره
شوفها براحتك
http://www.daviddarling.info/images/speed_of_light_Foucault.jpg

http://www.daviddarling.info/images/speed_of_light_Foucault.jpg

[سمية أحمد]

You don’t have permission to access /images/speed_of_light_Foucault.jpg on this server
واضح إن أنا حظى وحش المرة دى:(62):

[elmasry2]

خش الموقع ده كده ودور تحت
هتلاقى صوره صفراء
http://www.daviddarling.info/encyclopedia/S/speedlight.html
(مصفره كده ) برتقالى
اهى دى
ومعاك لحد ما تظهر



امال فين باقى الاعضاء؟؟
هو الموضوع مش مهم
ولا فيه اى اسئله ولا حاجه

[سمية أحمد]

أها لقيتها
شكراًhttp://www.daviddarling.info/images/speed_of_light_Foucault.jpg

[elmasry2]

باذن الله هكمل الموضوع
بس اكمني مش بخش كتير
لاكن الموضوع هيكمل باذن الله
واللى عنده سؤال في فوكالت يقوله على ما اخش واضيف

[علاء خياط]

شكرا على المشاركة الرائعة

تحياتي

[elmasry2]

شكرا على المشاركة الرائعة

تحياتي
العفو يا اخي
واسف على عدم اكتمال الموضوع وتركه زمن طويل وهحاول اكمله ان شاء الله ان امكن
لانه لسه طوييييييييييييييييييييييييل اوي