المساعد الشخصي الرقمي

مشاهدة النسخة كاملة : ما هو الفرق بين شعبة علمي علوم وشعبة علمي رياضة؟


PrincePhysic
10-28-2009, 11:54 AM
بسم اله الرحمن الرحيم


بالله عليكم انا تاااااااااااااااااايه اجيبوني


انا طالب مصري في اولي ثانوي ومغرم بالفيزياء ونفسي اتخصص فيها بس يا تري


اخد علم رياضة وللا علم علوم ويا ترى اخد مواد ايه

وكليه علوم ايه الفرق بينها وبين علوم/رياضة
ولو واحد عاوز يبقى فيزيائي بجد يعني يدرس الحاجات بتاعة اينشتاين ونيوتن وستيفن هوكنغ وكده يدخل قسم ايه


كلها اسئلة اغرق فيها ولا اعلم الاجابة

ارجوا الرد سريعا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

(للعلم انا عارف ان كوني طالب مصري اني مفيش امل ابقى حاجة خااااااااااااااااالص)
وفاء خلف
10-28-2009, 06:05 PM
السلام عليكم ورحمة الله وبركاته
اهلا وسهلا بكPrincePhysic واتمني ان تكون اسم علي مسمي في الفيزياء
كلامك اضحكني جدا والله
ما علينا خلينا في موضوعك
بالنسبة لسؤالك بما انك بتحب الفيزياء فيستحسن تاخد علم رياضة لان الفيزياء مرتبطة جدا بالرياضة اما في حالة لو اخدت علم علوم فهتواجه مشكلات كتير في دراسة الفيزياء زي ما حصل معايا وباقي زمايلي

اما حكاية الفرق بين كلية العلوم وعلوم رياضة فهقولك ان الرياضة دي قسم من اقسام كلية العلوم

ولو نفسك تبقي فيزيائي فقدامك انك تدخل كلية علوم وتدخل فيزياء ورياضة ومنها تتخصص فيزياء

ولو انت من وجه بحري في مصر قدامك فرصة كبيييييييرة انك تتخصص تخصصات جميلة وممتعة


ومتقولش انك عشان من مصر مفيش امل تبقي حاجة خالص

د.احمد زويل
د.مصطفي السيد
وغيــــــــــــــــــــــــــــــــ ــــرهم كلهم

من مصـــــــــــــــــــــــــــــــــ ــــــــــر

اهم حاجة الاعتماد علي الله والثقة بالنفس والامل
اتمني ان اسمع عنك اخبار كويسة
واتمني اكون افاتدك
PrincePhysic
10-28-2009, 06:59 PM
شكرا ووالله ردك اسعدني بس انا عاوز اعرف هوه تنسيق علوم كام السنادي

ههههههههههههههههههههههههههههههههههه ههههههه
tomatamer
12-31-2009, 11:59 PM
بسم اله الرحمن الرحيم

اهلا وسهلا بكPrincePhysic
انا اوافق رأى وفاء خلف ان انت فعلا لازم تكمل علمى رياضة فى ثانوية عامة وطالما انت بتحب الفيزياء اوى كده ممكن تدخل كلية العلوم ان شاء الله وطبعا فيها قسم الفيزياء اللى بيتكون من كذا شعبة زى مثلا
1- فيزياء خاص
2-بيوفيزياء (مجال الفيزياء الطبية)
3-جيوفيزياء
ده طبعا بالنسبة لعلوم المنصورة وهتلاقى ان باقى المحافظات مختلفة زى مثلا علوم القاهرة فيها فلك وارصاد جوية مش موجودة فى المنصورة . على فكرة انا كنت علمى رياضة ودلوقتى فى علوم المنصورة شعبة البيوفيزياء .

ومتحملش هم الشغل دلوقتى المهم انك تكمل فى مجال انت بتحبه وتقدر تبدع فيه ان شاء الله وربنا معاك وتوصل للى انت عايزه باذن الله .
منه محمد
08-10-2011, 07:25 PM
( بسم الله الرحمن الرحيم ) السلام عليكم ورحمه الله وبركاته ***ياجماعه انا فى الثانويه العامه بردو بس انا جبت فى ثانيه ثانوى( 94.6%) تمام انا (علمى ) م ش عارفه اكمل علمى علوم ولا اكمل علمى رياضيات مع العلم انى مبحبش الحفظ بتعب منه بس فى نفس الوقت الرياضيات بيلعبوا فيها جامد اوى فى الامتحانات لكن الاحياء بردو اهو كلام وهيتذاكر ومفيش حاجه ممكن يتلعب فيها فى الاحياء تمام وفى نفس الوقت انا حاسه انى هاشد فى سنه ثالثه انشاء الله بس خايفه اكمل علمى رياضه اندم وخايفه اكمل علمى علوم بردو اندم وانا حاسه ان ماليش هدف محدد يعنى انا عاوزه ادخل طب اسنان وعاوزه صيدله واعاوزه علاج طبيعى ومفيش مشاكل فى هندسه او اى كليه كويسه فعدم تحديدى لهدف معين مصعب عليا الاختيار بجد عاوزه اعرف رأيكم ايه فى الموضوع ده وكمان عاوزه اسأل هيه كليه حاسبات ومعلومات بتقبل من علمى علوم ولا من علمى رياضه ولا من الاتنين؟ شكرا ***
احمد @ميزو
08-13-2011, 05:28 PM
انا زاى منة بضبط بس انا جايب اعلى منها بحاجة بسيطة 95.6 وعندى نفس المشكلة ممكن حد يجوبنا
sandred
08-13-2011, 11:22 PM
انا طالب مصري في اولي ثانوي ومغرم بالفيزياء ونفسي اتخصص فيها بس يا تري
اخد علم رياضة وللا علم علوم ويا ترى اخد مواد ايه
انت لسة في اولي لسة هتحدد علمي رياضة او علوم في تالتة وبردوا حسب المجموع بس لو عايز تدخل كلية علوم خليك علمي رياضة بس خلي بالك انك لازم علي الاقل في كلية علوم تجيب امتيازات والا هتبقي مجرد مدرس فيزيا


شكرا ووالله ردك اسعدني بس انا عاوز اعرف هوه تنسيق علوم كام السنادي
اصحابي في علمي علوم اللي جايبين 94 و95 لحقوا علوم بالعافية لكن اللي في علمي رياضة كانت واقفة لحد 90.5 تقريبا


ياجماعه انا فى الثانويه العامه بردو بس انا جبت فى ثانيه ثانوى( 94.6%) تمام انا (علمى ) م ش عارفه اكمل علمى علوم ولا اكمل علمى رياضيات

بصي انا سمعت ان مجاميع تانية السنادي عالية جدا فلو جبتي مجموع السنادي وبالمستوي الرفيع ممكن تلحقي طب بيطري بالعافية وممكن علوم دا لو دخلتي علمي علوم اما علمي رياضة تدخلي هندسة او حاسبات وانتي مستريحة وطبعا ادامك كلية علوم
منه محمد
08-14-2011, 10:48 AM
شكرا جداااااااااااا بس انا كان عندى ال ف صيدله لان انا حسبتها لقيت ان ف تالته لازم انقص بتاع 5 درجات كده بس مش عارفه بجد مبعرفش اخد قرار بسهوله بس اعتقد م رأ]ك مفيش امل انى ادخل صيدله او كده صح
منه محمد
08-14-2011, 10:50 AM
شكرا جداااااااااااا بس انا كان عندى امل ف صيدله لان انا حسبتها لقيت ان ف تالته لازم انقص بتاع 5 درجات كده وانا حاسه انى هابذل مجهود اكبر م اللى كنت بعمله ف تانيه بس مش عارفه بجد مبعرفش اخد قرار بسهوله بس اعتقد م رأيك مفيش امل انى ادخل صيدله او كده صح
sandred
08-14-2011, 04:56 PM
صيدلة واخدة السنادي من 97 مع العلم ان امتحانتنا السنة اللي فاتت كانت مش سهلة تخيلي بقي امتحانتكوا السنادي وهي سهلة التنسيق هيبقي عامل ازاي . لكن انتي ممكن تلحقي صيدلة في حالة لو الامتحانات جت صعية عندكوا في تالتة وانتي طلعتي وعامة عندك مثلا علاج طبيعي اسمك دكتورة وكلية عشرة علي عشرة وبتاخد اقل من صيدلة